Suring Aklat: Sa Ano Nabubuhay Ang Tao ni Sofronio Calderon

Ang "Sa Ano Nabubuhay Ang Tao" ay isang orihinal na akda ni Leo Tolstoy na isinalin sa tagalog ni Sofronio G. Calderon. 

Ang kathang salaysay na ito ay tungkol sa isang mahirap na magsasapatos na ang ngalan ay Semel na namumuhay kasama ang kanyang asawang si Matrena at ang kanilang mga anak. Umikot ang istorya ng dumating sa buhay nila si Mikhail na minsang tinulungan ni Semel. Si Mikhail ay isang masipag, mabait, matulungin at tahimik na tao. Pero SINO NGA BA TALAGA SIYA? Ano ang misteryong nababalot sa kanyang katauhan? Napangiti ako ng mabasa ko ang kasagutan sa aking katanungan. Isang napakagandang pagpapahayag!

Labis akong nasiyahan dahil sa pagbabasa ko ng aklat na ito,ako ay may natutunan.Kung bakit tayo nabubuhay. Para sa ano. Para kanino. At ang napakasimpleng kasagutan ay dahil sa PAGIBIG. Pagibig sa Diyos, sa sarili at sa kapwa tao.

Isang napakagandang awitin ang masasabi kong sumasalamin sa mensahe ng kathang salaysay na ito. Ito ay ang "Diyos ay Pagibig" Hayaan ninyong ibahagi ko ito sa inyo.

Pag-ibig ang siyang pumukaw

Sa ating puso't kaluluwa

Ang siyang nagdulot sa ating buhay

Ng gintong aral at pag-asa

Pag-ibig ang siyang buklod natin

Di mapapawi kailan pa man

Sa puso't diwa tayo'y isa lamang

Kahit na tayo'y magkawalay

Pagka't ang Diyos natin Diyos ng pag-ibig

Magmahalan tayo't magtulungan

At kung tayo'y bigo, ay h'wag limutin

Na may Diyos tayong nagmamahal

Napakasarap talagang mamuhay ng puno ng pagibig. Sana ay madami pang makabasa ng salaysay na ito. Sigurado akong magugustuhan nyo din kagaya ko.

☆☆☆☆☆